家 居 搬 遷

喺整個搬運嘅過程中，大至大廈搬運情況、小至家俬類型，每一個細項都會影響報價，問多幾句都係想取得足夠清晰嘅資料，避免因為溝通不完整而產生誤會，我哋亦希望俾您嘅報價係最公道嘅價錢，而唔係靠估估大個數嚟單方面保障自己。 了解更多關於影響報價嘅因素(https://www.goingmovinghk.com/post/%E3%80%90%E6%90%AC%E5%B1%8B%E6%90%AC%E5%83%B9%E3%80%91%E9%BB%9E%E8%A7%A3%E6%90%AC%E5%B1%8B%E5%85%AC%E5%8F%B8%E8%A6%81%E5%95%8F%E5%92%81%E5%A4%9A%E8%B3%87%E6%96%99%EF%BC%9F)

作為一間有一定規模及運作系統嘅搬屋公司，高永搬屋係絕對唔會喺應承咗客人提供服務之後，臨時單方面取消服務。至於如果係遇上惡劣天氣，例如紅雨、8號風球或以上，我哋都會建議客人改期。因為喺呢啲惡劣天氣下工作，會影響到路面情況、客人嘅貨物、以至搬屋師傅嘅安全，而且喺呢類惡劣天氣下搬屋而又有損失嘅話，一般保險公司係唔會作出賠償。但如果客人必須喺當日搬嘅話，我哋會衡量返天氣同安全等因素，選擇喺較合適嘅時段提供服務，但係費用就會有所調整，始終人手嘅需求、搬運成本等會增加。 了解更多關於惡劣天氣下的服務安排(https://www.goingmovinghk.com/post/%E3%80%90%E6%90%AC%E5%B1%8B%E5%85%88%E5%9A%9F%E8%90%BD%E9%9B%A8%EF%BC%9F%E3%80%91)

市面上唔少搬屋公司公眾假期會收貴啲， 或者會有更高嘅最低收費， 最主要嘅考慮當然係公司資源（車同搬運同事）有限， 公眾假期多啲人得閒搬屋、會忙啲， 就收貴啲去篩選客人， 不過係我哋熟客就知道， 高永喺公眾假期及平日嘅收費係一樣㗎， 因為喺成本一樣嘅情況之下， 我哋說服唔到自己收貴啲， 不過因為假期會較多人預約，如果定好日子就盡快約我哋喇。

呢個問題係冇標準答案㗎！心水清嘅您應該都會知道，唔同搬屋公司有唔同嘅收費模式，例如逐件計、按車數計，或者好似我哋高永咁，需要評估綜合因素（新舊址大廈搬運情況、搬運家俬/雜物種類及數量等），無論係按以上邊種模式，都唔太可能按客人所講嘅「正常情況」/「正常_人家庭」/「正常_呎屋企」就報到價錢俾您，如果有，都一定係是但講個數，根本冇參考價值，隨時仲有臨場加價嘅風險。 了解更多搬屋收費標準(https://www.goingmovinghk.com/post/%E3%80%90%E6%90%AC%E5%B1%8B%E6%94%B6%E8%B2%BB%E3%80%91%E6%AD%A3%E5%B8%B8%E5%AE%B6%E5%BA%AD%E6%90%AC%E5%B1%8B%E8%A6%81%E5%B9%BE%E9%8C%A2%EF%BC%9F)

呢個情況好視乎究竟係搬屋公司嘅責任定係客戶嘅責任，如果係同事出錯嘅話，咁當然係搬屋公司嘅責任啦，一般搬屋公司都會提供一個有限度嘅賠償，而高永搬屋經查證後確認係我哋嘅團隊出錯嘅話，賠償金額會係HKD$300.00-HKD$1,000.00不等。 了解更多搬屋公司賠償準則(https://www.goingmovinghk.com/post/%E3%80%90%E6%90%AC%E5%B1%8B%E6%90%8D%E6%AF%80%E3%80%91%E5%A6%82%E6%9E%9C%E6%90%AC%E5%B1%8B%E9%81%8E%E7%A8%8B%E4%B8%AD%E6%9C%89%E7%89%A9%E4%BB%B6%E6%90%8D%E5%A3%9E%EF%BC%8C%E6%90%AC%E5%B1%8B%E5%85%AC%E5%8F%B8%E6%9C%83%E5%94%94%E6%9C%83%E8%B3%A0%EF%BC%9F)

當然可以！為咗方便客人可以喺現址及新址開門俾師傅入屋搬運，高永搬屋會安排最少一個位俾客人跟車，但如果超過一個人嘅話，就要睇吓當日師傅人數數量，如果唔夠位嘅就需要麻煩客人嘅親友自行到新址喇。相反，如果客人唔方便跟車或出現喺搬運現場，只要確保兩邊地址有人幫忙開門俾師傅入屋就可以，唔一定要派人跟車㗎。

除非正式報價單上有特別列明，一般情況下我哋都會彈性處理，建議客人完成搬運程序後先付全數金額，現金最好，其次就係轉數快或者銀行轉賬。如果公司客戶有特別需要，亦可以事先提出以支票付款，甚至係延後付款，總之有咩需要，歡迎隨時向我哋提出，高永搬屋會盡力滿足您嘅需要。

高永搬屋設有9噸及5.5噸兩種類型嘅貨車，而將會係邊種貨車到場完成當日工作，就視乎整日嘅工作流程安排。明白有客人會對「貨車唔夠裝需要走多轉車」又或者係「我冇咁多嘢搬派架Van仔嚟就可以」等情況會喺收費方面有疑慮，但高永搬屋嘅收費模式會根據客人所需要搬運嘅家俬種類、需要嘅拆裝時間及技術、整體雜物數量及搬運環境作出綜合報價，同時喺冇額外物品多出及搬運情況無變動嘅情況下，高永搬屋係唔會因為車數、車空間又或者係其他貨車因素而再臨時調整價錢，客人可以放心。 了解更多搬屋貨車類型(https://www.goingmovinghk.com/post/%E3%80%90%E6%90%AC%E5%B1%8B%E6%94%B6%E8%B2%BB%E3%80%91%E8%B2%A8%E8%BB%8A%E9%A1%9E%E5%9E%8B%E5%90%8C%E6%90%AC%E5%B1%8B%E6%94%B6%E8%B2%BB%E6%9C%89%E9%97%9C%EF%BC%9F)

抱歉，考慮到搬運人員及搬運物品的安全問題，以及確保搬運過程順暢，高永團隊會全權負責整個搬運流程，恕不接受由客人親自搬運任何物品。如果預算有限，其實都仲有其他方法可以節省搬運費用，想知道有邊啲物品會收費較貴，請瀏覽： 【搬屋裝拆】拆裝家具係咪要加錢？(https://www.goingmovinghk.com/post/%E3%80%90%E6%90%AC%E5%B1%8B%E8%A3%9D%E6%8B%86%E3%80%91%E6%8B%86%E8%A3%9D%E5%AE%B6%E5%85%B7%E4%BF%82%E5%92%AA%E8%A6%81%E5%8A%A0%E9%8C%A2%EF%BC%9F) 【搬屋收費】點解上牆嘅物品要收貴啲？ (https://www.goingmovinghk.com/post/%E3%80%90%E6%90%AC%E5%B1%8B%E6%94%B6%E8%B2%BB%E3%80%91%E9%BB%9E%E8%A7%A3%E4%B8%8A%E7%89%86%E5%98%85%E7%89%A9%E5%93%81%E8%A6%81%E6%94%B6%E8%B2%B4%E5%95%B2%EF%BC%9F) 【搬屋問題】點解搬曲面電視要畀多啲錢？(https://www.goingmovinghk.com/post/%E3%80%90%E6%90%AC%E5%B1%8B%E5%95%8F%E9%A1%8C%E3%80%91%E9%BB%9E%E8%A7%A3%E6%90%AC%E6%9B%B2%E9%9D%A2%E9%9B%BB%E8%A6%96%E8%A6%81%E7%95%80%E5%A4%9A%E5%95%B2%E9%8C%A2%EF%BC%9F) 【搬屋問題】點解裝新家私貴過裝拆舊家私？(https://www.goingmovinghk.com/post/%E3%80%90%E6%90%AC%E5%B1%8B%E5%95%8F%E9%A1%8C%E3%80%91%E9%BB%9E%E8%A7%A3%E8%A3%9D%E6%96%B0%E5%AE%B6%E7%A7%81%E8%B2%B4%E9%81%8E%E8%A3%9D%E6%8B%86%E8%88%8A%E5%AE%B6%E7%A7%81%EF%BC%9F)